Kawan

Awak bakawan sanang bana ko ha, baa indak samo gadang,samo ota, samo galak, samo dukanyo. tapi bakawan ndak salamonyo mbuek galak, tapi mbuek tasuruik, mbuek ndak lamak.

ambo yo lah banyak bakawan lah macam bantuak urangnyo, nan ganteng, nan rancak, nan sadang elok, nan elok sadang, nan kayo rayo, nan lai lah, nan bansaik,nan panggalak,nan jarang senyum,nan pangecek,nan paanok,nan pacaruik,nan alim.

bakawan nan sero yo kwan yang ngarti awak, yang amuah ndak makan dek awak sadang sakik paruik, amuah ndak pai pacaran dek awak tibo karumah, nan ndak jadi pai bajalan dek awak lah talangkah karumahnyo.

awak manjanguaknyo sakali dijanguaknyo awak 3x. awak maota didangannyo, awak maibo inyo baok galak.

tapi denai basobok kawan langka bana nan mode itu,

nan banyak, awak sadang banyak inyo lai ad, awak sadang bpunyo inyo lai rajin tibo, kok awak ndak brado lai amuahnyo galak2 jo ambo. kok wak ndak bakandaraan lai amuah nyo bakawan.

kok inyo sadang pacaran, awak ko mode a nmpak di nyo.tibo sms ceweknyo, awak di tinggaannyo, atau labiah parah awak diusianyo.

ndeh kawan ko lai...

bruntuang disekitar ambo kawan lai lah manyanangkan.

tapi ambo mancaliak, bakawan jo urang nan barado, nan lai lah indak sero do, nuansa angkuhnyo ndak hilang ndak begitu sero do. mangecek indak manenggang kawan dima tasingguang, dima kawan sakik hati.

ciek lai bakawan jo urang santiang atau urang jenius kecek urang tu. itu ndak juo do manjadi urang bodoh se wak rasonyo, dimanyo carito kuliahnyo, carito nilainyo tinggi,carito penemuan barunyo, ndak tapikianyo kwan alun mkan, ndak tapikia kwan ndak bapiti, ndak tapikia kwan nilai pas-pasan tenggang manenggang tu nan kurang.

ambo caliak2 kwan jo urang nan indak bagitu kayo, labiah kuek tenggang manenggangnyo, labiah peka prasaannyo, indak masalahnyo minum sagaleh jo awak, bia inyo lalok dilantai asa awak lalok di kasua, bia inyo bautang asa awak lai dapek makan.

sanang den kawan den ndak bapiti tapi galaknyo rancak juo k awak...

sanang den kawan den ndak bapangkek tapi bawaannyo mambuek hati ko lapang...

ondeh kwan den nan kayo, indak den bakawan jo harato ang do..

ondeh kwan den nan santiang indak den bakawan jo ilmu2 ang tu do...

ondeh kawan den nan bapangkek indak den ka maminta-minta karajo jo ang do..